Unsick podcast #21. Монгол аав бүр тэтгэвэрт гардаг болоосой.

Эрүүл мэндийн боловсрол сайн хүмүүс эрүүл амьдралын хэв маягийг өөртөө урлаж, эрүүл мэнддээ цаг ямагт анхаардаг болохоор эрүүл амьдарч урт наслах боломж нэмэгддэг. Иймд, манай улсын ард иргэдэд эрүүл мэндийн боловсрол бол агаар ус шиг чухал. Монгол хүний дундаж наслалт 70 орчим. Үүнээс эрэгтэйчүүд 66 нас, эмэгтэйчүүд 76 нас буюу эрэгтэйчүүд эмэгтэйчүүдээс 10 насаар богино наслаж байна. Тийм болохоор 20 Монгол аав тутмын 1 нь тэтгэвэр авдаг бол 4 Финланд аав нарын 1 нь 15 жилийн турш тэтгэвэр авч байна. Гэтэл 20 аав нараас тэтгэвэр авдаг 1 аав бол дундажаар 5 жил тэтгэвэр авдаг. Яагаад гэвэл 2019 онд тэтгэврийн нас 61, дундаж наслалт 66 учраас тэр.