С.Эрдэнэ
С.Эрдэнэ

Сэнгэ

Эрдэнэ ( Төрийн шагналт, Ардын Уран Зохиолч )

"Сэнгийн Эрдэнэ нь хүүрнэл зохиолын нэрт төлөөлөгч, сэтгэлзүйн өгүүллэгийн гарамгай мастер хэмээн алдаршсан зохиолч бөгөөд хүний амьдралын мөн чанарыг уран бүтээлдээ нэн чадамгай задлан шинжиж, уран үгээр дүр бүтээхдээ нээлт хийж чадсан уран бүтээлч юм. 1929.12.7 Монгол, Хан Хэнтий аймаг, Биндэрьяа хан уулын хошуунд [одоогийн Хэнтий, Биндэрт] төрж, 1949 онд офицерын сургууль, 1955 онд МУИС төгсжээ. 1955 оноос Хий судлалын эмнэлэгт их эмч, Эрүүл мэнд сэтгүүлийн эрхлэгч, 1961-79 онд МЗЭ-ийн төв хэвлэл Цог сэтгүүл, Утга зохиол, урлаг сонины эрхлэгч, МЗЭ-ийн хорооны нарийн бичгийн дарга, үргэжилсэн үгийн зохиолын зөвлөлийн эрхлэгчээр ажиллаж байсан. Монголын шинэ үеийн утга зохиолын богино өгүүллэгийн мастер. Орчин үеийн Монголын утга зохиолын хэл бүрэлдэхэд нөлөөлсөн зохиолчийн нэг, уран нийтлэлч. ""Амьдралын тойрог"", ""Баян бүрд"", ""Занабазар"", ""Малын хөлийн тоос"", ""Наран тогоруу"", ""Хойт насандаа учирна"" зэрэг бүтээл хэвлүүлжээ. 1965 онд Монгол Улсын төрийн шагнал, 1976 онд МЗЭ-ийн шагнал, 1994 онд Ардын Уран Зохиолч цол хүртжээ."