Б. Номинчимэд

Хөх илдний очис


Манай Монгол Үндэстэн бид ертөнц даяар ихэд ялан мандаж асан нь нэг бус аа. Тэр бахдам сайхан үеийнхээ далай мэт арвин баялаг үүх түүх, адал явдал, тэр түүхийг бүтээж асан их хүмүүсийнхээ дүр төрх, ааль араншин, явдал үйл, ард түмнийхээ зан заншил, ахуй байдал, хэв ёс, өв соёл хийгээд хамгийн гол нь тийн хүчирхэгжин ялан мандсан үндсэн суурь зарчим, үнэт зүйл, үзэл санаа бүхнийг ямар нэгэн хэмжээгээр шингээсэн түүхэн туульсын зохиолтой байх юмсан даа гэсэн бодлыг молхи толхи бичээч миний бие олон жил өвчүү цээжнийхээ цаана тээж явав.