Бурхны шашны Гүнчав Жамбаалин төв
Бурхны шашны Гүнчав Жамбаалин төв

( )

Дээрхийн Гэгээнтэн 1995 онд Монголд айлчлахад дагалдан явах төлөөлөгчдийн бүрэлдэхүүнд багтан Банчин Ойбүрүл Ринбүүчи анх удаа манай оронд заларсан юм. Тухайн үед Дээрхийн Гэгээнтэн 14 дүгээр Далай лам “Та энгийн ард түмэнд бурханы шашны ном, сургаалыг тайлбарлан таниулах их үйлсэд өөрийн хувь нэмрийг оруулах нь зүйтэй.” хэмээн зарлигласан бөгөөд анхны номын багш нь Галсанчойдог хэмээх Лхаарамба цолтой монгол лам байсан тусыг мөн санаж тэрээр Монголын ард түмэнд туслахыг хичээн буян номын үйл бүтээсээр байгаа билээ. Ринбүүчи бээр Бурханы шашныг түгээн дэлгэрүүлэх зан заншил, уламжлалт өв соёлоо сэргээх зорилгоор Гүнчавжамбаалин ТББ-ыг 2003 онд, Монголын хүүхэд, багачууд, гэр бүлийн сайн сайхны тулд ядуурлыг бууруулах болон хувь нэмрээ оруулах зорилгоор 2001 онд Асрал төв ТББ-ыг байгуулсан бөгөөд байгуулагдсан цагаасаа эхлэн тухайн төвүүдийг санхүүжүүлэн үйл ажиллагааг тасралтгүй явуулж байна. Бурханы шашны Гүнчавжамбаалин ТББ нь Бурхан багшийн айлдварыг энгийн олон түмэнд тайлбарлан таниулах, Улмаар буддын гүн ухааны сургаалиар дамжуулан амар тайван, зөв амьдрах арга ухаанд сургах ажлыг тасралтгүй зохион байгуулдаг.